للشاعرهـ /// نهى نبيــل ..

يقولون الزين بس لصبايا

حكي الجياكر صدق مأخوذ خيرهـ




عندي حبيبٍ فيه كل المزايا
فوق الشهامه أشهد إنه دميرهـ




له نظرهـ تسوي سواة وسوايا
ورزة عقال ماهي لحد غيرهـ




وغمازتين هناك صوب الشفايا
ونظرات عينٍ يالخلايق خطيرهـ





ودي أشوفه كل لحظة معايا
عيني بصيرهـ بس يدي قصيرهـ




صرت ألمحه في عين كل الزوايا
وأموت لا جاء ذكرهـ بأي سيرهـ




أترك عشانه كل عمري ورايا
و أبني له بوسط الحشا ألف ديرهـ




سبحان من خلى ـآ الحسن فيه آية
قلبي هواهـ و مدري وشو مصيرهـ




من يوم شفته .. الوصل صار غاية
و رسمت في لحظة أماني كبيرهـ




و أظنني تناسيت كل البلايا
و عيوبه صارت في عيوني صغيرهـ